謝安琪鬆口氣 網民批《殭》收視差衰劇本

[bluetooth]

謝安琪鬆口氣 網民批《殭》收視差衰劇本
















一個星期播足7集嘅《殭》，終於播到去陳凱琳變殭屍，不過班觀眾就睇到僵硬晒，搞到收視插水式下跌，唔夠廿點。有人就賴謝安琪陀衰家，戲屎問題累低收視，不過最近有網民喺討論區討論《殭》衰咩，睇返啲原因，謝安琪都唔係主因喎!



唔少網民話套戲講到啲特效點點已經冇咩預期，不過知道大台去到荷蘭取景，咁大陣仗應該會好好睇。但係唔少網民都話冇諗過個故仔會拖長嚟做，加上太多人物關係，搞到成條線都支離破碎。講講下，又係喎! 先嚟鄭嘉穎同阿Kay，之後再去到有陳凱琳，加埋黃又南嘅何年感情線，仲有陸永條感情線，真係睇到頭都痛埋。

唔少網民都話《殭》收視差，最大問題就係編劇同導演身上，演員都唔算差。大台就話個故事太潮，預咗收視流失。其實亞視套《我和殭屍有個約會》喺當年推出嘅時候，真係潮流尖端，到依家都仲有人loop緊，睇怕大台都係正視下問題，唔好自high啦!